ӘЛЕУМЕТТІК ЖАУАПКЕРШІЛІК

«Tukulov & Kassilgov Litigation» ЖШС (Тукулов және Кассильгов Литигейшн) («Стипендия тағайындаушы») жоғарғы оқу орынында заң мамандықтары бойынша оқитын студенттерге/талапкерлерге төменде көрсетілген шарттарға сәйкес 2021-2022 оқу жылына арналған стипендиялар тағайындауға конкурс жариялайды:

  1. 2021-2022 оқу жылына арналған стипендия қоры: 5 000 000 теңге. Стипендия тағайындаушы өз қалауы бойынша қаржыландыруды кейінгі жылдарға ұзартуға құқылы. Тағайындалған стипендия саны қор сомасы мөлшерінде төмендегі 4-тармаққа сәйкес оқу құнына/тағайындалған стипендия санына пропорционалды сипатта анықталатын болады;
  2. Үміткерлерге қойылатын талаптар: (1) мемлекеттік атаулы әлеуметтік көмек алуға құқылы отбасылардан шыққан балалар; (2) мемлекеттік атаулы әлеуметтік көмек алмайтын, жан басына шаққандағы табысы ең төмен күнкөріс деңгейінің шамасынан төмен отбасылардан шыққан балалар; (3) жетім балалар және ата-анасының қамқорлығынсыз қалған отбасыларда тұратын балалар; (4) Стипендия тағайындаушының қалауы бойынша анықталатын әлеуметтік жағынан осал/табысы төмен басқа да үміткерлер («Үміткер»);
  3. Стипендия тағайындаушы Үміткердің/оның отбасының/онымен бірге тұратын адамдардың қаржылық жағдайын тексеруге (оның ішінде Үміткердің тұрғылықты жеріне бару мүмкіндігін қоса алғанда), сондай-ақ Үміткердің қаржылық жағдайы туралы мәліметті талап етуге құқылы. Үміткер мүліктік жағдайы туралы мәліметті және өзге де ілеспе мәліметті бермеген жағдайда Стипендия тағайындаушы өтінішті қараудан бас тартуға құқылы;
  4. Стипендия мәні: (1) әл-Фараби атындағы Қазақ ұлттық университетінде немесе Каспий қоғамдық университетінде (заң мамандықтары бойынша) бір оқу жылына (бакалавриат) оқу ақысын төлеу (тоқсан сайын); немесе (2) айына 100 000 теңге мөлшерінде бір оқу жылына арналған ай сайынғы стипендия. Үміткер стипендияның тек бір түрін таңдауға құқылы;
  5. Стипендия тағайындалған Үміткерлер («Стипендиаттар») Стипендия тағайындаушыға үлгерімі туралы тоқсан сайынғы есептерді ұсынуға міндетті. Стипендия тағайындаушы: (1) Стипендиаттың үлгерімі 5-баллдық шкала бойынша 4 балл деңгейінен төмендеген (100-ден 75-баллдан төмен) немесе тиісті тоқсанда үлгерімді бағалаудың өзге де жүйелері бойынша ұқсас бағаға төмендеген жағдайда; немесе (2) тоқсан аяқталғаннан кейін 10 күннен кешіктірмей үлгерім туралы есепті тапсырмаған жағдайда стипендияның күшін жоюға құқылы;
  6. Тек Қазақстан Республикасының азаматтары Үміткер бола алады.
  7. Үміткерлерді іріктеудің негізгі талаптары: келесі сұрақтарға жауап беретін эссе түріндегі өтініш хат, немесе Үміткердің өз қалауы бойынша басқа кез-келген түрдегі (видео, басқа да) өтініш: (1) «Сізге стипендия неліктен қажет?» және (2) «неліктен Сіз стипендияға лайықтысыз?» (оқу, спорт және өзге де жетістіктер). Өтініш хатқа жетістіктерді растайтын құжаттар қоса берілу керек (мысалы, студенттер үшін – жоғары оқу үлгерімін растайтын құжаттар, өзге де құжаттар). Өтініш хаттың тілі – қазақ/орыс. Эссенің ұзындығы 1 600 сөзден аспауы тиіс (осы шектен асатын мәтін қарастырылмайды). Видео ұзақтығы – 7 минуттан астам емес. Іріктеу барысындағы негізгі қағида – неғұрлым лайықты және мұқтаж Үміткерлерді анықтау;
  8. Барлық өтініш хаттар және оларға қоса берілген құжаттар қайтарылмайды. Өтініш хаттарды рәсімдеуге, оларды тапсыруға байланысты шығындар, сондай-ақ өзге де ұқсас шығындар өтелмейді. Стипендия тағайындаушы стипендия тағайындаудан бас тарту себебін түсіндірмеуге құқылы;
  9. Өтініштерді қабылдау мерзімі – 01.10.2021 ж. дейін. Конкурс нәтижелерін жариялау мерзімі – 01.11.2021 ж. дейін;
  10. Өтініштер келесі электрондық пошта арқылы қабылданады: [email protected]; өтініш бір хабарламада, мәтіндік файлдар pdf форматында бір файл түрінде жіберілуі тиіс (файл атауында Үміткердің тегі көрсетілуі керек). Видео және ұқсас презентацияларды жіберген кезде, гиперсілтеме жіберілуі тиіс. Стипендия тағайындаушы қосымша құжаттарды/мәліметтерді талап еткен жағдайларды қоспағанда, Үміткердің қосымша хабарламалар жіберуіне жол берілмейді. Стипендия тағайындаушы тексеру мақсатында құжаттардың түпнұсқаларын талап етуге құқылы;
  11. Конкурстың осы шарттарымен реттелмеген барлық өзге мәселелер Стипендия тағайындаушының қарауына қалдырылады;
  12. Стипендия тағайындаушы Үміткерге стипендия алуға кепілдік бермейді. Үшінші тұлғалардың стипендияны төлеуіне Стипендия тағайындаушының қалауы бойынша жол беріледі. Конкурсқа қатысуға өтініш бере отырып, Үміткер конкурс өткізуге байланысты Стипендия тағайындаушыға немесе үшінші тұлғаларға қандай да бір наразылықтары/талаптары болмайтындығымен келіседі және Үміткер ондай талаптардан бас тартады;
  13. Өтінішке қол қойылған келісім формасының скан көшірмесі қоса жалғануы тиіс (қосымшадан қараңыз);
  14. Жоғарыда көрсетілген талаптарға сәйкес келмейтін өтініштер қарауға қабылданбайды. Басқа себептермен қатар, талап етілген құжаттарды/мәліметтерді Үміткер үш күн ішінде тапсырмаған жағдайда Стипендия тағайындаушы өтінішті қараудан бас тартуға құқылы;
  15. Барлық сұрақтар бойынша ұйымдастырушыларға хабарласыңыз: [email protected]

Өтініш формасын жүктеу